У рамках СДМ 2011 Папа сустрэнецца з маладымі ўніверсітэцкімі выкладчыкамі, інвалідамі
і хворымі
Бэнэдыкт ХVI сустрэнецца
з маладымі ўніверсітэцкімі выкладчыкамі, з людзьмі з абмежаванымі магчымасцямі, семінарыстамі,
законнікамі і законніцамі, а таксама валанцёрамі падчас Сусветных дзён моладзі, якія
пройдуць у Мадрыдзе з 16 па 21 жніўня. Аб гэтым паінфармаваў на прэс-канферэнцыі,
якая адбылася 9 лютага ў Мадрыдзе, біскуп Сэсар Франко, генеральны каардынатар гэтага
мерапрыемства. Ён падзякаваў Святому Айцу за тое, што “ён велікадушна пагадзіўся на
ўсе прапановы сустрэчаў, у якіх будуць удзельнічаць маладыя людзі”.
Папа сустрэнецца
з маладымі выкладчыкамі ў кляштары “дэ Эль Эскорыяль”. Гэта першая сустрэча Святога
Айца са светам навукі ў рамках Сусветных дзён моладзі. “Гэта сустрэча паказвае сімпатыю
Папы да ўніверсітэцкага і культурнага свету”, - сказаў Карла Діес дэ Рывера, дырэктар
Дэпартамента культуры дзён моладзі.
Пантыфік наведае Інстытут “Сан Хосэ”,
цэнтр які быў заснаваны ў 1899 годзе для людзей з абмежаванымі фізічнымі і інтэлектуальнымі
магчымасцямі. Там Папа сустрэнецца з інвалідамі, якія будуць прысутнічаць на Сусветных
днях моладзі.