Створаны інтэрнэт-сайт прысвечаны беатыфікацыі Яна Паўла II
Рымская дыяцэзія стварыла
афіцыйны інтэрнэт-сайт, прысвечаны беатыфікацыі папы Яна Паўла II (karol-wojtyla.org).
Сайт на сямі мовах змяшчае матэрыялы беатыфікацыйнай справы Караля Вайтылы
і анонсы цырымоніі беатыфікацыі, якую Папа Бэнэдыкт XVI правядзе ў Ватыкане 1 мая
гэтага года. Як было абвешчана раней, на цырымоніі змогуць прысутнічаць усе жадаючыя
- для ўваходу на Плошчу св. Пятра не спатрэбяцца запрашальныя білеты. Па прагнозах,
1 мая ў Рым прыедзе па меншай меры 2 млн. пілігрымаў.
На сайце таксама можна
знайсці трансляцыю з вэб-камер, устаноўленых у крыпце, дзе пахаваны Ян Павел II, на
Плошчы св. Пятра і ў іншых месцах. Саму цырымонію беатыфікацыі можна будзе назіраць
у прамым эфіры ў інтэрнэце.