Бэнэдыкт ХVI скіраваў пасланне на 48 Сусветны дзень малітваў за пакліканні
10 лютага ў Ватыкане
было апублікавана пасланне Бэнэдыкта ХVI на 48 Сусветны дзень малітваў за пакліканні,
які будзе адзначацца 15 мая, у чацвёртую Велікодную нядзелю. Яго тэма: “Прапанаваць
пакліканні ў мясцовым Касцёле”.
Уменне садзейнічаць і падтрымліваць пакліканні,
- піша Святы Айцец, - мы знаходзім на старонках Евангелля, калі Езус кліча сваіх вучняў
ісці за Ім. На асаблівую ўвагу заслугоўвае спосаб, якім Езус паклікаў сваіх найбліжэйшых
супрацоўнікаў, каб абвяшчаць Божае Валадарства. Першым крокам у гэтым напрамку была
малітва за іх: перш чым Езус іх паклікаў, прабыў усю ноч у самоце, на малітве і слуханні
волі Айца ( пар. Лк 6,12). Пакліканне вучняў нараджаецца менавіта з гэтай інтымнай
размовы Езуса з Айцом. Папа адзначае, што пакліканні да святарства і кансэкраванага
жыцця з’яўляюцца перш за ўсё плёнам пастаяннага кантакту з жывым Богам і малітвы.
Святы
Айцец падкрэслівае ў сваім пасланні, што “наследаванне Хрыста азначае позірк на Яго,
блізкае пазнанне, слуханне Яго Слова і сустрэчу з Ім у сакрамэнтах. Пан кліча на кожным
этапе жыцця ўключыцца ў Яго місію і служыць Касцёлу праз святарскае пасвячэнне і кансэкраванае
жыццё, а Касцёл павінен ахоўваць гэты дар.” – гаворыць Папа ў сваім Пасланні на дзень
малітваў за пакліканні. Асабліва цяпер, калі голас Пана заглушаны “іншымі галасамі”,
і прапанова пайсці за Ім і ахвяраваць Яму сваё жыццё можа здавацца занадта складанай,
кожная хрысціянская супольнасць і кожны веруючы павінны свядома садзейнічаць пакліканням.
“Важна заахвочваць і падтрымліваць тых, якія дэманструюць ясныя знакі паклікання да
святарства ці законнага жыцця, каб адчулі падтрымку ўсёй супольнасці ў адказе “так”
Богу і Касцёлу” – звяртаецца з просьбай Пантыфік.
Паводле Бэнэдыкта ХVI, трэба,
каб “кожны мясцовы Касцёл станавіўся ўсё больш уражлівым і ўважлівым на душпастырства
пакліканняў, выхоўваючы на розных узроўнях: у сем’ях, парафіях, таварыствах, перш
за ўсё маладых людзей, хлопаў і дзяўчат, да ўзрастання ў сапраўднай і шчырай прыязні
з Панам”. Мясцовы Касцёл павінен вучыць уважнага і плённага слухання Слова Божага
праз паглыбленне разумення Святога Пісання і паказваць, што выкананне Божай волі не
знішчае людзей, але дазваляе ім адкрыць глыбокую праўду пра сябе. “Прапанаваць пакліканні
ў мясцовым Касцёле” паводле Святога Айца значыць мець адвагу паказваць праз пасрэдніцтва
ўважлівага і адэкватнага душпастырства пакліканняў гэты цяжкі шлях наследавання Хрыста.
“Катахеза,
фармацыйныя сустрэчы, літургічная малітва, пілігрымкі да санктуарыяў - гэта каштоўная
нагода, каб узбудзіць у Божым народзе, асабліва ў дзецях і моладзі, пачуццё прыналежнасці
да Касцёла і пачуццё адказнасці за атрыманыя пакліканні да святартсва ці законнага
жыцця, якія былі дадзены свядомым і свободным чынам”.
Здольнасць клапаціцца
пра пакліканні з’яўляецца характэрнай прыкметай жыццяздольнасці мясцовага Касцёла
– напісаў Бэнэдыкт ХVI у сваім пасланні на 48 Сусветны дзень малітваў за пакліканні.