OSBE kërkon përgatitje urgjente për zgjedhjet vendore më 8 maj në Shqipëri
OSBE-ja në Shqipëri, përmes kryetarit të saj në Tiranë, Eugen Vollfarth, u bën thirrje
partive politike të Vendit të respektojnë Kodin Zgjedhor dhe të propozojnë komisionerët
zgjedhorë. "Në bazë të Kodit Zgjedhor dhe të dekretit të Presidentit të Republikës,
Komisioni Qendror i Zgjedhjeve duhet të vazhdojë urgjentisht me të gjitha përgatitjet
e nevojshme për zgjedhjet e planifikuara për 8 maj 2011", theksoi Vollfarth. Sipas
tij, asnjë nga partitë politike të Shqipërisë nuk ka arritur të përmbushë afatin zyrtar
të 24 janarit 2011 për dërgimin e propozimeve për anëtarë të komisioneve zgjedhore.
"Jam jashtëzakonisht i shqetësuar në lidhje me problemet që po has aktualisht
KQZ ja. Nga 66 Komisione të Zonave të Administrimit Zgjedhor, vetëm 12 prej tyre janë
ngritur pjesërisht brenda afatit të 7 shkurtit 2011", u shpreh Wollfarth për mediat.
Kreu i Prezencës së OSBE së në Shqipëri theksoi se "një situatë e tillë tregon
një shpërfillje të hapur për aspiratat demokratike të qytetarëve shqiptarë nga partitë
politike. Unë u bëj thirrje partive politike të respektojnë të drejtën e qytetarëve
për të votuar dhe për ta adresuar këtë çështje në mënyrë të menjëhershme, sepse dita
e zgjedhjeve po afron".