Кардынал Валіні заклікае ўлады Рыма гарантаваць бедным бяспеку
Учора ў выніку пажара ў адным з кварталаў Рыму загінулі чацьвёра дзяцей з цыганскай
сям’і. “Гэтая трагедыя ўсхвалявала мяне асабіста”, сказаў кардынал Агостыно Валіні,
Папскі вікарый для Рымскай дыяцэзіі. “Хрысціяне не могуць заставацца абыякавымі да
гэтай трагедыі. Я даручаю Божай міласэрнасці ахвяраў, і заклікаю да малітвы за іх
і за ўсіх тых, хто жыве ў нашым горадзе ва ўмовах экстрымальнай беднасці”. “Заклікаю
таксама мясцовыя ўлады гарантаваць годныя ўмовы жыцця, і абсталяваць дамы бедных бяспечным
абсталяваннем”, сказаў кардынал.
Пракаментаваў здарэнне і кіраўнік ЮНІСЭФ у
Італіі Вінчэнца Спадафора: “Трагедыя, якая адбылася ўчора вечарам паказвае нам
колькі яшчэ трэба зрабіць каб гарантаваць бяспеку дзецям у нашым горадзе. Адказнасць
за гэтую трагедыю ляжыць на ўсіх нас - арганізацыях, сем’ях, інстытутах, якія павінны
гарантаваць бяспеку і правы дзіцяці”.