Përfundoi takimi 13-të ndërkombëtar në Romë për Kishën e nesërme në dialog me fetë,
kulturën e shoqërinë.
Përfundoi dje më 6 shkurt Takimi i XIII Ndërkombëtar: “Të krishterë e barinj për Kishën
e nesërme” organizuar nga Bashkësia e Shën Egjidit në Romë. Tema kryesore e këtij
takimi ndërkombëtar qe “Profecia e dashurisë dhuratë që Zoti i fal botës” e morën
pjesë kardinaj, kryeipeshkvij, ipeshkvij, peshkopë ortodoksë e përfaqësues tjerë të
lartë të bashkësive të ndryshme fetare nga mbarë bota, personalitete nga kultura,
shoqëria e politika. Nga bota shqiptare në këtë takim morën pjesë kryeipeshkvi
i Tivarit imzot Zef Gashi, ipeshkvi i Sapës, imzot Lucjan Avgustini, ipeshkvi i Lezhës
imzot Ottavio Vitale dhe mitropoliti ortodoks i Korçës, hirësia e tij Joani Pelushi. Ndër
argumentet që u trajtuan në këtë Takim të XIII Ndërkombëtar ishte “Globalizimi, ndërmjet
ekonomisë e solidaritetit” për çka foli prof. Ettore Gotti Tedeschi, president i Institutit
të Vatikanit për Veprat e Fesë (IOR), pastaj “dialogu hebraiko - i krishterë” për
çka foli prof. Riccardo Di Segni, Krye Rabini i Romës, i cili përmendi edhe realitetin
e hebrenjve në Shqipëri si faktor pozitiv. Një tjetër argument ishte “Profecia e dashurisë”
për çka foli prof. Andrea Riccardi president i Shën Egjidit, dhe “Krishterimi e Islami:
një takim i mundshëm” për çka foli prof. Mohammed Sammak, Bashkë-Sekretar i përgjithshëm
i Komitetit Kombëtar i dialogut islamo-të krishterë, në Liban. Mbi këto argumente
dhe realitetin shqiptar, folëm me dy prej ipeshkvijve shqiptarë pjesëmarrës të këtij
takimi ndërkombëtar, imzot Zef Gashin e imzot Lucjan Avgustinin. Ta dëgjojmë bisedën
zhvilluar me ta në studio të Radio Vatikanit................