Ministri i jashtëm italian: hetim i pavarur për raportin “Marti”
(07.02.2011 RV)Ministri i jashtëm italian, Franko Fratini, në vizitë zyrtare
në Beograd, deklaroi sot se përsa i përket raportit “Marti” mbi Kosovën, është i nevojshëm
një hetim i pavarur. Gjatë konferencës së shtypit, së bashku me kolegun serb Vuk Jeremiç,
Fratini tha se raporti nuk është e vërteta, por baza për të arritur tek e vërteta.
Kujtojmë se në raport denoncohet trafiku i organeve në Kosovë, gjatë luftës me Serbinë.
Ministri i jashtëm i Italisë kërkoi që dialogu Prishtinë-Beograd të fillojë sa më
shpejt. Franko Fratini e ka anuluar vizitën në Kosovë, pasi akoma nuk janë formuar
institucionet e reja pas zgjedhjeve.