Իտալիոյ Եկեղեցին կը նշէ կեանքի ի նպաստ նուիրուած օրը։
Այսօր Իտալիոյ Եկեղեցին, ինչպէս ամէն տարուայ փետրուար ամսուայ առաջին կիրակի օրը,կը
յիշատակէ <<կեանքի ի նպաստ նուիրուած օրը>> մատնանշելու համար մարդկութեան գոյութեան
առաջնակարգ արժէքը։ Այս առթիւ՝ ՜՜Կեանքի ի նպաստ՝՝ օրուայ Եպիսկոպոսական Մնայուն Խորհուրդի
պատգամին բնաբանն է <<Դաստիարակել Կեանքի Լիութեան>>։ Պատգամին մէջ նշուած է Պենետիկտոս
ԺԶ Սրբազան Քահանայապետի Հռոմի Թեմի 2008-ին՝ ուղղած նամակին պարունակութիւնը, որուն
մէջ, նորին սրբութիւնը շեշտած է ՜՜Դաստիարակութեան անհրաժեշտութեան՝՝ պարտականութիւնը։
Սրբազան Քահանայապետը դիտել տուած է թէ դաստիարակութեան տագնապի դրդապատճառը կեանքի
հանդէպ վստահութեան պակասն է։ Տագնապ մը կ՝աւելցնեն եպիսկոպոսները որ կը բացայայտուի
առօրեայ անցուդարձերով ինչպէս կեանքի բնաջնջումը` տարեցներու հանդէպ անհոգութիւնը եւ
կամ ճամբաներու եւ գորածատեղետու մէջ պատահած մահացու արկածները։ Կոսնցնելով Աստուծոյ
իմաստը Մարդը ինքզինք կը կորսնցնէ ։ Անհրաժեշտ է բարեփոխել այս իրողութիւնը եւ նայիլ
կեանքին իբրեւ Աստուծոյ ամենավսեմ պարգեւը։