ԷՋ ՄԸ ՀԱՅ ԵՐԱԺՇՏՈՒԹԵՆԷՆ

Լեւոն Խոճա Էյնաթով (Խոճա Էյնաթեան)
Հայազգի երաժշտահան Լեւոն Ալեքսանտրի Խոճա Էյնաթով ծնած էր 10 Մարտ 1904-ին Թիֆլիս, 1945-ին ան եղած էր Խորհրդային Հայաստանի արուեստի վաստակաւոր գործիչ։
1926-1927 տարեշրջանին ուսած է Երեւանի մէջ, իրեն յօրինումի դասեր տուած էր Ալեքսանտր Սպենդիարեան։ 1932-ին աւարտած է Լենինկրատի կեդրոնական երաժշտանոցը (սոյն դպրոցը հետագային ստացած է Մուսորկսի անունը)։
Որպէս խմբավար եւ երաժշտական մասի ղեկավար աշխատած է Լենինկրատի տրամաթիք թատրոնին մէջ։
Իր ստեղծագործութիւններէն յիշենք օփերաները՝ Շլեուզ 1931-ին, Խռովութիւն օփերան որ բեմադրուած է 1938-ին, ընտանիք 1940-ին, Երեք հանդիպում օփերան 1943-ին, Նամուս օփերան ըստ Ալ. Շիրվանզատէի համանուն պատմուածքի որ բեմադրուած է Երեւանի օփերայի եւ պալէի թատրոնին մէջ1944-ին։
Հայազգի արուեստագէտ Լեւոն Խոճա Էյնաթով ունեցած է նաեւ համանուագային ստեղծագործութիւններ։ Ռեքուիյէմ Լենինի յիշատակին 1934-ին, քերթուածային երգեր 1953-ին, Սինֆոնիա 1954-ին, եւ եղերերային քերթուածներ 1953-ին։
Խմբագրած է կարգ մը սուիթներ, նախերգանքներ, սինֆոնիք պարեր, ֆանթազիաներ, դաշնամուրային երրեակներ մին նաեւ Ալ. Սպենդիարեանի յիշատակին 1943-ին, ունի նաեւ երգեր, րոմանսներ, շուրջ 50 թատերական ներկայացումներու երաժշտութիւն , նաեւ՝ գործիքաւորած է Տիգրան Չուխաճեանի Արշակ Բ եւ Արմէն Տիգրանեանի Դաւիթ Բեկ օփերաները։
Հայազգի Լեւոն Խոճա Էյնաթով մահացած է Լենինկրատի մէջ 7 Հոկտեմբեր 1954-ին։