Գերապայծառ Սիթումորանկ Ինտոնէզիայի Բատանկի Եպիսկոպոսի Ազդարարութիւնը անձնական Շահերու
Համար Կրօնքը Օգտագործելու Դէմ ։
Ազիանիուզ լրատու գործակալութեան հետ ունեցած զրոյցին ընթացքին, Ինտոնէզիայի Բատանկի
Եպիսկոպոսը՝ Գերապայծառ Մարդինուս Տօկմա Սիթումորանկ ազդարարած է թէ՝ Կառավարիչները
կ՛օգտագործեն կրօնքը եւ կրօնական հասարակութիւնները իրենց անձնական քաղաքական շահերուն
համար, եւ կամ իրենց քաղաքական խմբակներուն ի նպաստ։ Կրօնի ազատութեան հանդէպ վերբերումը
մղուած է <<պատեհութենէ>> նայելով միայն անոր <<ծիսական երեւոյթին>> առանց նկատի առնելու
անձնական հաւատքի հիման վրայ հաստատուած ընտրանքը։ Անցեալ շաբաթներուն ընթացքին, Կաթողիկէ
եւ Բողոքական կրօնապետերը քննադատեցին Ինտոնեզիայի կառավարութեան բռնած դիրքը ՜՜կրօնի
եւ հասարակական քաղաքականութեան՝՝ հանդէպ։ Քաղաքականութիւնը յաճախ մտահոգ է մտածելակերպ
մը արտայայտելու սակայն անոր ջանքը պէտք է կեդրոնանայ ժողովուրդին եւ հասարակական կեանքի
բարելաւումին` արդարութեան` եւ ազգային արժէքներուն , դարձնելով Ինտոնեզիան բազմամշակութային
երկիր մը>> յարեց Գերապայծառ Սիթումորանկ։ Ինտոնեզիայի մէջ տեղի կ՛ունենայ ՜՜Բարոյական
Տագնապ՝՝ մը կապուած՝ անհադրժողութեան երեւոյթին, ասոր համար եկեղեցին չի կրնար լռելեան
եւ անտարբեր մնալ։