Аўстралія: арганізацыйнае пасяджэнне англіканаў, жадаючых перайсці ў каталіцтва
У аўстралійскім горадзе
Кумера на Залатым узбярэжжы праходзіць арганізацыйнае пасяджэнне англіканаў, якія
жадаюць уступіць у аўстралійскі Персанальны ардынарыят.
Падчас сустрэчы вядомы
адвакат Джон Макарці даў парады па канстытуцыйных і прававых пытаннях, якія ўзнікнуць
у сувязі з гэтым гістарычным крокам. Па словах Прымаса Традыцыйнай Англіканскай Царквы
арцыбіскупа Джона Хепфорта можна мець надзею, што маёмасць і грашовыя сродкі групы
будуць захаваныя.
На 12 чэрвеня запланавана ўрачыстасць святарскага пасвячэння
чатырох былых дзейнічаючых англіканскіх біскупаў, аднаго на пенсіі і аднаго былога
іерарха з Японіі. Аднак англіканскі Прымас Аўстраліі арцыбіскуп Філіп Аспінал упэўнены,
што мясцовы ардынарыят не будзе занадта вялікай групай, прымаючы пад увагу тое, што
большасць з тых, хто хацеў перайсці ў каталіцызм зрабілі гэта даўно.
Першы
Персанальны ардынарыят для былых англіканаў Апостальская Сталіца стварыла 15 студзеня
гэтага года ў Вялікабрытаніі. Новая структура павінна дазволіць пераход у Каталіцкі
Касцёл з захаваннем часткі ўласныя традыцыі.