Бэнэдыкт ХVI: восем блаславенстваў з’яўляюцца фундаментам маральнасці новага чалавека

А поўдні ў нядзелю 30 студзеня, Святы Айцец сустрэўся на Плошчы Святога Пятра з вернікамі на багародзічнай малітве “Анёл Панскі”. У сваёй прамове да іх Папа сказаў, што восем блаславенстваў, прамоўленыя у Нагорным казанні, з’яўляюцца фундаментам маральнасці новага чалавека.

Дарагія браты і сёстры

У гэтую чацьвёртую нядзелю звычайнага перыяду, Евангелле расказвае аб першай вялікай прамове Пана да людзей, якія сабраліся на пагорку навокал Галілейскага возера. “Убачыўшы натоўп, - піша Святы Мацвей,- Езус падняўся на гару. А калі сеў, падышлі да Яго вучні Ягоныя. І, адкрыўшы вусны свае, Ён вучыў іх”. ( Маць. 5,1-2). Езус, новы Майсей сядае на “катэдры” гары і абвяшчае “Шчаслівымі людзей засмучаных, лагодных, галодных і прагнучых справядлівасці, міласэрных, чыстых сэрцам, міратворцаў, каго пераследуюць за справядлівасць, каго будуць зневажаць і пераследаваць ( Маць (5.3-10). Гэта не новая ідэалогія,- сказаў Папа,- але навучанне, якое прыходзіць з гары і тычыцца ўмоваў жыцця чалавека, тых умоваў, якія Пан уцелавіўшыся, захацеў прыняць, каб збавіць чалавека. Такім чынам “Нагорнае казанне накіраванае да людзей з усяго свету, зараз і ў будучыні... і можа быць зразуметым і перажываным толькі тады, калі мы наследуем Езуса, ідзём за Ім” . ( Езус з Назарэта, ст. 92). Восем Блаславенстваў з’яўляюцца новым ладам жыцця, каб вызваліцца да фальшывых каштоўнасцяў свету і адрыцца на сапраўднае дабро, сучаснае і будучае. Калі Бог суцяшае, насычае прагаю справядлівасці, ацярае слёзы смутку, гэта азначае, што апрача ўзнагароды для кожнага ў бачны спосаб, Ён адкрывае Нябеснае Валадарства. “ Восем Блаславенстваў з’яўляюцца ўнясеннем крыжа і ўваскрасеннем ў жыццё вучняў” ( 97). Яны адлюстроўваюць жыццё Божага Сына, Які дазваляе сябе пераследаваць, пагарджаць аж да сьмяротнага пакарання, каб людзям даць збаўленне.

Кажа старажытны пустэльнік: “ Блаславенствы з’яўляюцца дарам ад Бога і мы павінны выявіць Яму вялікаую ўдзячнасць за іх і за карысці, якія з іх выцякаюць, гэта значыць за Нябеснае Валадарства ў будучым веку, за суцяшэнне тут, за шчодрасць кожнага дабра і міласэрнасць ад Бога..словам, каб мы сталі вобразам Хрыста на зямлі”. (Філокалія 79). Евангелле Блаславенстваў каментуюць: сама гісторыя Касцёла, гісторыя хрысціянскай святасці, таму,што- як піша Святы Павел,- “Бог выбраў неразумнае свету, каб асароміць мудрых, і слабое свету выбраў Бог, каб асароміць моцных, і бязроднае свету, і пагарджанае, і тое, чаго няма выбраў Бог, каб знішчыць існае, каб ніякае цела не выхвалялася перад Богам” ( 1 Кар. 1,27-28). Па гэтай прычыне Касцёл не баіцца галечы, пагарды, пераследаванняў у грамадстве, ў якім часта аддаецца вялікую ўвагу матарыяльным багаццям і свецкай ўладзе. Святы Аўгустын нагадвае нам, што “ не трэба пакутаваць ад гэтага зла, але трэба супрацьставіцца яму ў імя Езуса, не толькі са спакойнай душой, але таксама з радасцю”. ( De sermone Domini in monte).

Дарагія браты і сёстры,- сказаў на заканчэнне сваёй прамовы Бэнэдыкт ХVI,- упрошвайма Найсвятую Панну Марыю, якая Бласлаўлёная з самой свёй істоты, каб выпрасіла нам сілу у шуканні Пана і ў наследаванні Яго заўсёды з радасцю , шляхам Блаславенстваў”.

Пасля адгаварэння малітвы “Анёл Панскі” Святы Айцец нагадаў, што сёння ўшаноўваецца “Сусветны Дзень хворых на праказу”, які быў устаноўлены ў 50 гады, мінулага стагоддзя, Раўлям Фоллеро і афіцыйна прызнаны ААН. Праказа, хаця паменшываецца, ўсё яшчэ, на жаль, закранае многіх людзей, якія жывуць у крайняй галечы.

У бліжэйшыя дні,- сказаў яшчэ Святы Айцец,- ў шматлікіх краіх Далёкага Усходк святкуецца з радасцю, асабліва ў сем’ях, Новы Месячны Год. Для ўсіх гэтых вялікіх народаў жадаю шчасця і памыснасці.

Сёння таксама прыпадае “Міжнародны Дзень малітваў за мір на Святой Зямлі”. Я далучаюся да Лацінскага Патрыярха Іерусаліма і Кусташа Святой Зямлі ў запрашэнні ўсіх маліцца да Пана, каб перамяніў сэрцы і розумы у канкрэтныя прапановы міру.

На заканчэнне сустрэчы з вернікамі Святы Айцец прывітаў дзяцей і падлеткаў з Каталіцкай Акцыі Рымскай дыяцэзіі. Дарагія дзеці,-звярнуўся Папа да іх,- таксама і ў гэтым годзе вы прыбылі на Плошчу Святога Пятра, на заканчэнне вашай “Караваны міру”, дэвізам якой былі словы “Мы развлічваем на мір”. На заканчэнне сустрэчы дзеці выпусцілі голубы, сімвалы міру