Այսօր' հայազգի մեծ երաժշտահան Խաչատուր Աւետիսեան։ Խաչատուր Մեխակի
Աւետիսեան հայ մեծ երաժշտահանը ծնած էր 1926-ին Լենինականի մէջ (այժմ Գիւմրի) ։ Ան
եղած է ՀԽՍՀ վաստակաւոր արտիստ 1961-ին։ Մասնագիտութիւնն ու կրթութիւնը ստացած է
նախ՝ Երևանի Ռ. Մելիքեանի անուան երաժշտական դպրոցին մէջ, ապա` Կոմիտասի անուան երաժշտանոցին
մէջ, որու երաժշտական յօրինման բաժինը աւարտած է 1960-ին։ Խաչատուր Աւետիսեան 1950-էն
սկսած էր աշխատիլ Ռ. Մելիքեանի անուան երաժշտական ուսումնարանին մէջ որպէս քանոնի դասատու։
1951-ին մասնակցած է Պերլինի մէջ կայացած՝ համաշխարհային Գ. փառատօնին, ուր անհատ կատարողներու
միջազգային մրցանակաբաշխութեան մէջ արժանացած է առաջին մրցանակի եւ ոսկէ մետալին։ Իր
ղեկավարած քանոնիստներու նուագախումբը 1957-ին Մոսկուայի համաշխարհային փառատօնին մէջ
շահած է Գ. մրցանակը։ 1958-էն՝ ան աշխատած է Հայաստանի Պարի Անսամպլի մէջ, որպէս երաժշտական
ղեկավար։ Մեծ ժողովրդականութիւն վայելած են անոր երգերն ու պարեղանակները` «Իմ անուշ
տաւիղ», «Մախմուր աղջիկ», «Ասում են թէ», «Անահիտ», «Կախարդուած ծաղիկներ», «Անուրջներ»,
«Ծաղկեփունջ» և այլն։Գրած է նաեւ երաժշտութիւն շարք մը կինոնկարներու համար, յիշենք
անոնցմէ ՝ ՜՜Խաթաբալա՝՝ն։ Հայազգի մեծ արուեստագէտ երաժշտահան Խաչատուր Աւետիսեան
վախճանած է 1996-ին։