Թուրքիոյ Վարչապետը Կը Վերականգնէ Մարտինցի Հայ Ճարտարապետին Գերեզմանը ։

Թուրքիոյ Մարտին քաղաքի քաղաքապետ Պեշիր Այանօղլու ,թրքական ՝՝Անատոլու՝՝ լրատու գործակալութեան հետ հարցազրոյցի մը ընթացքին յայտնած է, որ Թուրքիոյ իշխանութիւնները որոշում տուած են վերականգնելու ազգութեամբ հայ ճարտարապետ Սարգիս Լոլէ Կիզոյի գերեզմանը։
՝՝Նախապէս մենք Սարգիս Լոլէ Կիզոյի անունով անուանակոչած էինք Մարտինի փողոցներէն մէկը։ Կիզոյի մատնահետքը կարելի է տեսնել Մարտինի գրեթէ բոլոր փողոցներուն մէջ։ Երբ մեր վարչապետը Մարտին ժամանած էր, քաղաքացիները իրմէ խնդրեցին վերականգնել ճարտարապետին գերեզմանը։ Վարչապետն ալ այդ գործը անձամբ ինծի յանձնարարեց՝՝ ըսած է Մարտինի քաղաքապետը Պեշիր Այանողլու։