Чэхія: Епіскапат заклікае грамадства да маральнага аднаўлення
Да маральнага аднаўлення,
шчырага клопату пра агульнае дабро і адважнага пачатку неабходных рэформ: у сферы
аховы здароў’я і пенсійнай сістэме, - заклікаюць сваіх грамадзян біскупы Чэхіі. У
пражскім кляштары аўгусціньянцаў 25-26 студзеня прайшла пленарная сесія Канферэнцыі
Біскупаў Чэхіі.
Чэшскія іерархі нагадваюць аб сапраўдным энтузіязме, які быў
у грамадстве падчас дэмакратычных перамен пасля 1989 года. Звяртаюць увагу на пазнейшыя
пачуцці расчаравання, прычынай якога з’яўляецца клопат аб выключна індывідуальнай
карысці, без уліку агульнага дабра. Яны крытыкуюць палітычныя дыспуты, у якіх, замест
абмену аргументамі, дамінуе спроба аказвання ціску.
Епіскапат Чэхіі прызнае
неабходнасць рэформ і гатоўнасць іх выканання. Звяртаецца да кожнага грамадзяніна
ўсвядоміць сабе адказнасць за лёс нацыі. Яны лічаць, што неабходна па імені назваць
праблемы і вызначыцць іх наступствы для насельніцтва; весці змястоўныя размовы а не
спрэчкі розных груп інтарэсаў. “Напэўна кожны мае свае прапановы, таму што без узаемнай
увагі нішчыцца грамадства” - пішуць чэшскія біскупы ў сваёй заяве.