Ірландыя: міжнародная сустрэча прамасаў Англіканскай Царквы

26 студзеня ў Дубліне ў Ірландыі пачалася нарада нацыянальных і рэгіянальных прамасаў Англіканскай Царквы. Такія сустрэчы праводзяцца кожныя два гады. На сёлетнюю сустрэчу не прыехалі 11 кіраўнікоў Англіканскай Царквы Афрыкі, Азіі і Паўднёвай Амерыкі, рэгіёнаў, дзе Англіканская Царква найбольш моцная.

Прычынай байкоту з’яўляецца ўдзел у дублінскім пасяджэнні жанчыны-біскупа Кэтрын Джэффертс-Шоры, прымаса Епіскапальнай Царквы ў ЗША, якая вядома сваім лібэральным стаўленнем да гомасэксуалізму.