Католікі Расіі моляцца за ахвяраў тэракту ў “Дамадзедава”
Сёння вечарам расійскія
католікі будуць маліцца ў Санкт-Пецярбургу за ахвяраў замаху ў маскоўскім аэрапорце
“Дамадзедава”,- сказаў італьянскаму агенцтву “SIR” Мітрапаліт архідыяцэзыі Маці Божай
у Маскве, арцыбіскуп Паўло Пеццы. Ён нагадаў, што гэта найбольшы аэрапорт у Расійскай
Федэрацыі з пункту гледжання пасажырапатоку.
“Тэракт у аэрапорце “Дамадзедава”
напоўніў нас глыбокім смуткам. Мы рашуча асуджаем гэты новы акт гвалту” - сказаў арцыбіскуп
Пеццы. Ён адзначыў, што тэракт стварае роспач і няўпэўненасць з-за спосабу якім быў
здзейснены. У гэтых умовах мы молімся да Божай Маці, каб абараняла нас і дапамагла
нам усім не губляць сэнсу і любові да жыцця, каб мы ніколі не звярталіся да смерці,
як спосабу вырашання праблемаў”, - сказаў старшыня каталіцкага епіскапату Расіі.