Irak: takim i ipeshkvijve kaldej kushtuar gjendjes së të krishterëve.
(21.01.2011 RV)U mbajt në Ankava të Irakut, takimi i tretë i ipeshkvijve kaldej,
gjatë të cilit prelatët e pranishëm përgatitën programin e vizitës baritore në dioqezin
e nuncit të ri apostolik në Irak e Jordani, imzot Gjorgjio Lingua. Gjatë takimit,
siç pohoi imzot Luis Sako, kryeipeshkëv i Kirkukut e koordinator i takimeve të tilla,
që organizohen çdo muaj, u vendos që më 22 shkurtin e ardhshëm të mblidhet, në selinë
ipeshkvnore të Erbilit, takimi i meshtarëve kaldej. Gjatë këtij takimi atyre do t’u
krijohen mundësitë të shprehin mendime lidhur me veprimtarinë, që duhet zhvilluar
në fusha të ndryshme, sidomos në atë baritore, shpirtërore e kulturore. Në përfundim
do të hartohet edhe një dokument orientues.Në Ankava u fol edhe për Sinodin e ardhshëm
të Kishës, sipas kërkesës së Patrikut, kardinalit Mar Emanueli III Deli. Ipeshkvijtë
e pranishëm uruan që sinodi i ardhshëm të mblidhet në Irak, për t’u dhënë zemër të
krishterëve të vendit. Përsa i takon gjendjes së të krishterëve, u nënvizua se është
e rëndësishme që Kisha të trajtojë argumentet më të rëndësishme për bashkësinë e krishterë.
Së fundi, u kujtua se Kisha është e thirrur t’i orientojë politikanët e krishterë,
që të punojnë për mirëqenien e bashkësisë.