Վրաստանի Մէջ Գործող Հայկական Դպրոցներուն Թիւը Տարուէ Տարի Կը Նուազի։

Վրաստանի մէջ գործող հայկական դպրոցներուն թիւը տարուէ տարի կը նուազի, այսպէս կը տեղեկացնէ Կովկասեան բաժինի գլխաւոր մասնագէտ Ռոզա Սահակեան։ Անիր հաւաստումով, Թիֆլիսի մէջ կը գործէ մէկ զուտ հայկական եւ չորս խառն դպրոցներ, որոնցմէ երկուքը՝ խառն դասարաններ են։ Թիֆլիսի՝ նախապէս զուտ հայկական թիւ 110 դպրոցը դարձած է հայ-ռուսական։
Թիֆլիսի ամենահին՝ 150ամեայ պատմութիւն ունեցող թիւ 95 դպրոցը, որ մինչեւ անցեալ ուսումնական տարեշրջանը զուտ հայկական էր, վերանորոգման պատրուակով աշակերտները տեղափոխեց հարեւան ռուսական դպրոց։ Սահակեանի կարծիքով, ակնյայտ է, որ սոյն դպրոցը միտում ունի փակուելու։ Ջաւախքի մէջ՝ Ախալքալաք, Նինոծմինտա եւ Ախալցխա, կը գործէ 139 հայկական դպրոց, մինչդեռ Պաթումի մէջ ընդամէնը՝ 1 դպրոց։
Վրաստանի դպրոցներուն մէջ դասաւանդող հայ ուսուցիչներուն թիւը 15 հազար է, խառն դասարաններու մէջ ուսանող հայ աշակերտներուն թիւը՝ 400։ ''Վրաստանի դպրոցներում հայ աշակերտների համար դասաւանդւում է Հայոց լեզու առարկան. Հայոց պատմութիւն եւս դասաւանդւում է, սակայն՝ վրացական տեսանկիւնից, իրենց ցանկալի ձեւով։ Մնացած առարկաները խառը դպրոցներում դասաւանդւում են ռուսերէնով'' կը յայտնէ Ռոզա Սահակեան։