Экуменічная сустрэча ў Базыліцы св. Паўла за Мурамі ў Рыме
У нядзелю 23 студзеня
старшыня Папскай рады спрыяння хрысціянскаму адзінству кардынал Курт Кох, падчас Тыдня
малітваў за адзінства хрысціянаў і з нагоды візіту у Вечны Горад дэлегацыі Аб’яднанай
Евангеліцка-лютэранскай Царквы, якую ўзначальвае біскуп Ёганэс Фрыдрых, прыйме ўдзел
у Базыліцы св. Паўла за Мурамі ў экуменічнай сустрэчы, ключавым момантам якой будзе
пасадка і благаслаўленне дрэва, як знаку партнёрства ў экуменічным праекце “Сад Лютэра”.
Аб’яднаная
Евангеліцка-лютэранская Царква Германіі, якая паўстала як плён Рэфармацыі Лютэра ў
шаснаццатым стагоддзі, уключае ў сябе каля 18 мільёнаў лютэранскіх вернікаў Германіі.
Сустрэча
ў Базыліцы св. Паўла за мурамі яшчэ раз паказвае, што дыялог паміж двума супольнасцямі
стаў фактам жыцця і што экуменічнае дзейнасць Каталіцкага Касцёла, як адзначыў папа
Ян Павел ІІ у сваёй энцыкліцы “Ut unum sint” з’яўляецца беспаваротнай і няспыннай.
У панядзелак, 24 студзеня дэлегацыя Евангеліцка-лютэранскай Царквы будзе прынята
на прыватнай аўдыенцыі папам Бэнэдыктам ХVI, які ў аўторак, 25 студзеня ў Базыліцы
св. Паўла за Мурамі завершыць святкаванні Тыдня малітваў за адзінства хрысціян экуменічным
набажэнствам.