Турцыя не прызнае права юрыдычнай асобы Каталіцкаму Касцёлу
Урад Турцыі адказаў
адмоўна на просьбу Апостальскай Сталіцы прызнаць права юрыдычнай асобы Каталіцкаму
Касцёлу. Віцэпрэм'ер Бюлент Арынч сказаў у размове з англамоўным выданнем „Today’s
Zaman“ 19 студзеня, што ў цяперашні час гэта не ўяўляецца магчымым. Ён адзначыў, што
Экуменічны Патрыярхат у Стамбуле прасіў урад прыняць рашэнне аб "прызнні існавання
патрыярхату не надаючы яму статусу юрыдычнай асобы".
Хрысціянскія супольнасці
ў Турцыі ўжо даўно скардзяцца на адсутнасць прававога статусу, што прыносіць ім шмат
праблемаў, напрыклад, калі справа даходзіць да будаўніцтва і абслугоўвання культавых
будынкаў. У адносінах да католікаў і пратэстантаў улады спасылаюцца на Лазанскае пагадненне
1923 года, якое з’яўляецца прызнанай міжнародным правам асновай турэцкай рэспублікі.
Паводле інтэрпрэтацыі Анкары Лазанскае пагадненне прызнае ў якасці немусульманскіх
меншасцяў толькі яўрэяў, армян і грэкаў. Такім чынам, усе іншыя немусульманскія групы
не могуць быць сёння прызнанымі.
Калі гаворка ідзе пра праваслаўны патрыярхат
у Стамбуле, турэцкае дзяржава не жадае надаць яму тытул “экуменічнага”. Для Анкары
Патрыярх Барталамей I, духоўны кіраўнік 300 млн. праваслаўных хрысціянаў ва ўсім свеце,
толькі кіраўнік невялікай грэкамоўнай праваслаўнай супольнасці ў Турцыі.
З
моманту захопу ўлады ў Турцыі Кемалем Ататуркам (1881-1938) хрысціянскія супольнасці
ў пытаннях кіравання маёмасцю падлягаюць строгім правілах. На рэканструкцыю, рамонты
і выкарыстанне аб'ектаў неабходна асобная згода, выданне якой цягнецца часам так доўга,
што будынак становіцца руінай. Дадзеныя, апублікаваныя ўладамі ў гэтым месяцы гавораць,
што хрысціянскія і яўрэйскія рэлігійныя супольнасці ў Турцыі маюць 2 200 адзінак нерухомасці.
У той час, як у 1914 годзе колькасць толькі хрысціянскіх аб'ектаў нерухомасці складала
50 тысяч.