Presidenti Kosovës dr. Ibrahim Rugova në 5 vjetorin e vdekjes
Sot shënohet 5-vjetori i vdekjes së Presidentit historik të Kosovës, dr. Ibrahim Rugova.
Pra, si sot, me 21 janar 2006, Kosova e shqiptarët përjetuan me hidhërim vdekjen e
parakohshme të liderit e të Presidentit historik të Kosovës, dr. Ibrahim Rugova. Ai
qe prijës i vlerave demokratike, i qëndresës qytetare, misionar i paqes e vëllazërimit,
e vizionar e arkitekt i pavarësisë së Shtetit të Kosovës, mik e bashkëbisedues i çmuar
i Bashkësisë Ndërkombëtare në Ballkan e në botë. Presidenti Rugova rrezoi kudo
e në gjithçka bëri frymëzimin e tij nga tri personalitetet e jashtëzakonshme që kishte
si udhërrëfyese: ipeshkvi shqiptar imzot Pjetër Bogdani, e Lumja Nënë Terezë dhe Papa
Gjon Pali II. Po më hollësisht mbi figurën, trashëgiminë kombëtare, politike të
dr. Ibrahim Rugovës dhe aktualitetin e vizionit të tij, në mikrofonin e Radio Vatikanit
të dëgjojmë mendimin e prifti katolikë kosovar, don Lush Gjergjin, vikar i përgjithshëm
i Kishës së Kosovës....