Me rastin e 90-vjetorit të lindjes së Karol Vojtilës, lëvizja “Grupet e lutjes së
Bijëve shpirtëror të Gjon Palit II”, në bashkëpunim me Zyrën për baritorinë shkollore
të Vikariatit të Romës e me mbështetjen e Kryesisë së Këshillit të Ministrave, organizon
konkursin e parë për shkollat tetëvjeçare e të mesme të Romës, me temë: “Gjon
Pali II. Dritë shprese në Kishë e në botë”. Nxënësit, që duan të marrin pjesë
si individë, si grupe ose si klasë, duhet të paraqesin, brenda 15 marsit, një punim,
i cili mund të përdorë çfarëdolloj teknike ose mjeti multimedial: vizatime, piktura,
poezi, hartime, përmbledhje fotosh, intervista, realizime në video, kompozime muzikore.
Vlerësimi i punimeve do të bëhet më 13 maj 2011, në orën 17.00, pranë Universitetit
Papnor Lateranens. Do të paraprihet nga një mbrëmësore lutjesh mariane, në mbrëmjen
e 12 majit, në Bazilikën e Shën Marisë së Madhe, pasuar nga Mesha e falënderimit
për dhuratën e Zotit: Gjon Palin II.