Рым: актыўная падрыхтоўка да беатыфікацыі Яна Паўла ІІ
У Рыме пачаліся актыўныя
арганізацыйныя працы па падрыхтоўцы горада да бяспечнага прыняцця падчас беатыфікацыі
Яна Паўла ІІ, як прагназуецца, 2 мільёнаў пілігрымаў. Улады працуюць у цесным супрацоўніцтве
з Апостальскай Сталіцай. "Арганізатары чэрпаюць з бясцэннага вопыту, здабытага падчас
пахавання папы Яна Паўла II", - падкрэсліў дырэктар рымскай Грамадзянскай абароны
Тамазо Профэта.
Ужо мабілізавана 12 тыс. валанцёраў. Палова з іх паходзіць
з рэгіёну Лацыё, іншыя прыбудуць з усёй Італіі. Каля вялікай кальцавой дарогі Рыма
рытуюцца паркоўкі для аўтобусаў з пілігрымамі. Яны не будуць мець магчымасці ўехаць
у горад. Усёй аперацыяй будзе кіраваць прэфектура паліцыі. Яна будзе каардынаваць
супрацоўніцтва ў розных сектарах, такіх як, на прыклад, медыцынская служба. У непасрэднай
блізкасці да Ватыкану паўстане некалькі палявых шпіталёў. Па ўсім горадзе, а таксама
на пад'язных шляхах да Рыму будуць адкрыты інфармацыйныя цэнтры. Дакладныя лагістычныя
дэталі павінны быць абвешчаны на працягу некалькіх тыдняў.