Папа сустрэўся з прадстаўнікамі Польскага Папскага Касцёльнага Інстытута ў Рыме
17 студзеня, у першай
палове дня Бэнэдыкт ХVI сустрэўся з членамі Польскага Папскага Касцёльнага Інстытута,
які мае сваю сядзібу ў Рыме.
На пачатку сваёй прамовы Святы Айцец нагадаў гісторыю
гэтага Інстытута. Яго пачаткі сягаюць св. Юзафа Себасціяна Пэльчара, калі ў 1909
годзе ён пачаў хадайнічаць аб яго заснаванні. Дзейнасць інстытута пачалася 13 лістапада
1910 года. “Святкаванне сотай гадавіны яго заснавання - сказаў Бэнэдыкт ХVI,- з’яўляецца
важным напамінам аб удзячнай памяці аб тых, хто даў яму пачатак. Напамінам да адказнасці,
каб і сёння, у змененых умовах несці наперад першапачатковыя мэты інстытута, менавіта,
каб стварыць польскім святарам спрыяльныя ўмовы для вучобы і будаваць братэрскія сувязі
ў працэсе іх адукацыі ў Вечным Горадзе.”
Папа заахвоціў сабраных, каб былі
“жывымі каменнямі”, важнай часткай гісторыі. Яна патрабуе сёння асабістага, выразнага
адказу і шчодрага ўнёску “так як некалі рабіў падчас Другога Ватыканскага Сабору Прымас
Польшчы, кардынал Стэфан Вышынскі, які менавіта ў Польскім Інстытуце меў магчымасць
падрыхтавацца да Тысячагоддзя Хросту Польшчы і напісаць гістрычнае Пасланне польскіх
біскупаў да нямецкіх, якое змяшчала словы: “прабачаем і просім прабачэння”.
Далей
Бэнэдыкт ХVI адзначыў, што Касцёл мае патрэбу ў добра падрыхтаваных святарах, поўных
мудрасці, якая найглыбей асягаецца ў сяброўстве з Езусам. “Пошук праўды, для вас святароў,
што жывеце ў гэтым унікальным рымскім вопыце - звярнуўся Святы Айцец да прысутных,-
стымулюецца і ўзбагачаецца блізкасцю Апостальскакй Сталіцы, кампетэнцыяй якой з’яўляецца
асаблівая і паўсюдная паслуга каталіцкай супольнасці ў праўдзе і любові”.
Папа
адзначыў, што працягванне адносін з Пятром у самым сэрцы Касцёла азначае прызнаць,
што яны з’яўляюцца часткай яго гісторыі. “Любоў і адданасць Святому Пятру няхай натхняе
вас да высакароднага служэння супольнасці цэлага Касцёла і Мясцоваму Касцёлу, каб,
як вялікая сям’я, усе змаглі навучыцца распазнаваць у Езусе шлях, праўду і жыццё,
аблічча міласэрнага Айца, які жадае, каб ні адзін з яго сыноў не загінуў”- сказаў
Святы Айцец да прадстаўнікоў Польскага Папскага Касцёльнага Інстытута.