Tunizi: Kryeministri Ghannouchi shpall qeverinë e re të bashkimit kombëtar.
Kryeministri i Tunizisë, Muhammad Ghannouchi, ka shpall qeverinë e re të bashkimit
kombëtar. Kështu njoftoi TV i shtetit të Tunizisë. Është fjala për qeverinë e parë
të 20 vjetëve të fundit që përbëhet edhe nga disa parti të opozitës. Grupimit kushtetues
demokratik tunizian, partisë së qeverisë, i takojnë katër ministritë kyçe. Sipas
njoftimeve të kryeministrit Ghannouchi, janë konfirmuar ministri i Jashtëm i qeverisë
së mëparshme, Kemal Morjane, ai i Brendshëm, Mohammed Faia, ai i Mbrojtjes, Rida Qarira
dhe ai i Thesarit, Mohammed Rida Chalghoum. Gjithsesi Tunizia është ende në kaos,
në pritje të fillimit të punës së qeverisë së bashkimit kombëtar. Bashkimi Evropian
e SHBA-së janë shpreh të gatshme për të mbështetur procesin elektorale, ndërsa sot
janë regjistruar momente të tjera tensioni në kryeqytet, ku një manifestim mbajtur
kundër presidentit Ben Alì e partise se tij, është shpërnda nga policia. Në qytete
tjera ka pasur ndeshje ndërmjet ushtrisë e milicëve që ishin nën udhëheqjen e ish
këshilltarit për siguri Ali Seriati. Mbi këto mendimet e versionet janë të ndryshme. Protestat
që janë duke shkatërruar Vendit po përhapen gjithnjë e më shumë dhe me shpejti nëpër
qytete të Tunizisë. Manifestime kundër rritjes së çmimeve janë zhvilluar njëkohësisht
edhe në Vende tjera si në Algjeri, pastaj në Sudan, por edhe në Jordani e në Egjipt.