Էջմիածնի Հրատարակչական բաժինը լոյս է ընծայել 2011 թ օրացոյցներ։
Այս տարի լրանում է Մայր Աթոռ Սուրբ Էջմիածնի պաշտօնական օրացոյցի տպագիր հրատարակութեան
145-րդ տարին։ Այն իր մէջ բովանդակում է եկեղեցական տարուայ մասին բոլոր անհրաժեշտ տեղեկութիւնները։
2011թ պաշտօնական օրացոյցը կազմել են Շիրակի թեմի առաջնորդ Տ Միքայէլ եպիսկոպոս Աջապահեանը
եւ Մայր Աթոռի Վանորեից տեսուչ Տ Արտակ եպիսկոպոս Տիրանեանը։ Օրացոյցի վերջում զետեղուած
են նաեւ տեղեկութիւններ Հայ Առաքելական Եկեղեցու նուիրապետական աթոռների եւ թեմերի, Մայր
Աթոռ Ս Էջմիածնի միաբանութեան եւ պաշտօնեութեան վերաբերեալ։ Հրատարակչական բաժնի կողմից
լոյս է տեսել նաեւ 2011թ սեղանի օրացոյց։ Ամենօրեայ ժամատախտակներին զուգահեռ այն բացատրութիւններ
է տալիս բոլոր տօների եւ սրբոց յիշատակութեան օրերի մասին։ Այս տարի Մայր Աթոռը հրատարակել
է նաեւ պատկերաւոր օրացոյց՝ ՀՀ ժողովրդական նկարիչ Հրաչեայ Ռուխկեանի նկարներով։ 1960-ական
թթ երջանկայիշատակ Վազգեն Ա-ի օժանդակութեամբ Հ Ռուխկեանը ստեղծել է Հայաստանի պատմական
եկեղեցիների շուրջ 120 պատկերներ, որոնցից լաւագոյնները զարդարում են այս օրացոյցի էջերը։