Արեւմտեան Ամերիկայի Հայ Դատի յանձնախումբը կը տեղեկացնէ, թէ 7 ամերիկահայեր, ընտրուեցան
Միացեալ Նահանգներու Դեմոկրատ կուսակցութեան պատուիրակներ, Քալիֆորնիոյ տարածքին տեղի
ունեցած ընտրութիւններուն ընթացքին: Կուսակցութեան Ամերիկահայ պատուիրակներ ընտրուած
են Քալիֆորնիոյ 43րդ, 53րդ ու 58րդ ընտրատարածքներուն մէջ: 43րդ ընտրատարածքին մէջ,
ուր իրենց թեկնածութիւնը դրած էին 47 անձեր, պատուիրակ ընտրուած են՝ Մայքըլ Քիաման, Ժիւլիէթ
Մինասեան, Նայիրի Նահապետեան ու Ատրին Նազարեան: 53րդ ընտրատարածքին մէջ, ուր ընտրապայքարը
դարձեալ 47 թեկնածուներու միջեւ էր, պատուիրակ ընտրուած է Վարօ Ասորեան: 58րդ ընտրատարածքին
մէջ, ուր իրենց թեկնածութիւնը դրած էին 26 թեկնածուներ, պատուիրակ ընտրուած են Ալեքսանտրա
Անանեան ու Մուրատ Մինասեան: Ալեքսանտրա Անանեան նաեւ ընտրուած է կուսակցութեան Քալիֆորնիոյ
կեդրոնական կոմիտէի ազդեցիկ վարչութեան անդամ: Այս առթիւ, Հայ Դատի յանձնախումբի կառավարական
հարցերու վարիչ Հայկ Յովսէփեան շնորհաւորած է ամերիկահայ բոլոր թեկնածուները եւ քաջալերական
նկատած այն իրողութիւնը, որ այսքան մեծ թիւով ամերիկահայ յաջողեցաւ պատուիրակ ընտրուիլ: