Sudan: Deri tani referendumi i pavarësisë nga veriu ka arritur 60%.
(13.01.2011 RV)Sot Sudani jugor votoi në referendumin për ndarjen nga veriu.
Ndonëse numërimi i votave vazhdon ende duket se referendumi ia ka arritur qëllimit
dhe është siguruar 60%-shi aq i nevojshëm për fitoren. “Pragu i 60 përqindëshit u
arrit por shpresojmë që referendumi të fitojë 100 përqind.” deklaroi për shtypin zëdhënësja
e partisë “Lëvizja Çlirimtare e Popullit Sudanez” Anë Ito. Agjencitë e ndryshme
të lajmeve njoftuan se një numër i madh të shpërngulurish në veri është kthyer këto
ditë në jug të Sudanit pikërisht për të marrë pjesë në këtë plebishit. “Nëse referendumi
fiton atëherë borxhi i jashtëm duhet t’i falet qoftë Sudanit jugor qoftë atij verior”
– u shpreh për mjetet e informacionit ish-presidenti amerikan Xhimi Karter i cili
po vëzhgon nga afër ecurinë e referendumit. Nga ana e tij presidenti i Sudanit Omar
Hasan Al –Bashir, për të cilin ka edhe një mandat arresti ndërkombëtar, ka deklaruar
se do ta pranojë rezultatin e referendumit që kërkon shkëputje nga veriu. Sidoqoftë
përfundimi i referendumit do të njoftohet zyrtarisht më 6 shkurt ose më 14 shkurt,
po qe se kërkohet apel. Sudani jugor është një zonë e pasur naftëmbajtëse për të
cilën luftojnë si fisi i arabëve endacakë Miserìa ashtu edhe populli afrikan Dinka
Ngok, gjë që ka shkaktuar një krizë të thellë humanitare në vend këto njëzet vjetët
e fundit.