Лондан: першыя пасвячэнні святароў персанальнага ардынарыята
У суботу, 15 студзеня
ў Вестмінстэрскай катэдры арцыбіскуп Вінцэнт Нікалс удзеліць святарскія пасвячэнні
былым англіканскім біскупам: Джону Бродхерсту, Эндру Бернхаму і Кейту Ньютану. У заяве
старшыні епіскапату Англіі і Уэльса гаворыцца, што найпазней да гэтай даты Апостальская
Сталіца абвесціць аб стварэнні персанальнага ардынарыята для Англіі і Уэльса. Гэта
будзе першая такога тыпу сруктура ў свеце.
Арцыбіскуп Нікалс падкрэслівае,
што гэта будзе гістарычная падзея для каталіцкай супольнасці Англіі і Уэльса, а таксама
для паўсюднага Касцёла. "Мы сардэчна вітаем гэтых трох былых англіканскіх біскупаў,
а таксама тых, хто жадае разам з імі ўсталяваць поўныя зносіны з Папам і бачнае адзінства
з Каталіцкім Касцёлам", - кажа вэстмінстэрскі арцыбіскуп. У той жа час, выказвае сваю
павагу да іх "цяжкага духоўнага шляху, пазначанага болем адыходу і нявызначанасцю".
Падкрэслівае глыбіню шукаючай малітвы і жаданне, што прыводзіць іх да жыцця ў супольнасці
Каталіцкага Касцёла ў адзінстве з Біскупам Рыма. "Гэта вера з'яўляецца агульнай для
нас", - падкрэслівае арцыбіскуп Нікалс.
Старшыня епіскапату Англіі і Уэльса
выказвае ўдзячнасць за глыбіню адносін паміж Каталіцкім Касцёлам і Англіканскай Царквой,
кантэкст якіх заключаюць у сябе суботнія пасвячэнні. Падкрэслівае таксама ролю арцыбіскупа
Кентэрберыйскага Роуэна Уільямса, чыё стаўленне паказвае сапраўдны экуменічны дух
сярод вучняў Хрыста. Адзначае, што намер Бэнэдыкта XVI у тым, каб ардынарыят служыў
больш шырока бачнаму адзінству паміж двума супольнасцямі, паказваючы, як шмат можна
дараваць адно аднаму ў агульным служэнні Богу.