Бэнэдыкт XVI выказвае салідарнасьць з народам Гаіці ў першую гадавіну землятрусу
У першую
гадавіну трагічнага землятрусу, які адбыўся 12 студзеня мінулага года на Гаіці, Бэнэдыкт
XVI накіраваў народу гэтай краіны спецыяльнае пасланне салідарнасці і пажадання Божага
благаслаўлення. Са зместам гэтага дакумента панаёміў жыхароў краіны спецыяльны пасланнік
Святога Айца, старшыня Папскай рады "Cor Unum" кардынал Роберт Сара падчас св. Імшы,
якую сёння ўзначаліў у катэдры Порт-о-Прэнс.
У сваім пасланні Папа напісаў:
"У першую гадавіну страшнага землятрусу, які прынёс жалобу вашай краіне, лучуся з
усімі вамі, дарагія гаіцяне, запэўніваючы вас у маёй малітве, асабліва за тых, хто
загінуў.
У той жа час, хацеў бы пераказаць вам словы надзеі ў цяперашніх абставінах,
асабліва цяжкіх.
Сапраўды, цяпер настаў час не толькі аднаўлення матэрыяльных
структур, але, перш за ўсё, суіснавання грамадзянскага, сацыяльнага і рэлігійнага.
Я жадаю, каб гаіцянскі народ быў першым гаспадаром сваёй сучаснай гісторыі і сваёй
будучыні, разлічваючы таксама на міжнародную дапамогу, якая ўжо паказала прыкметы
незвычайнай шчодрасці дзякуючы эканамічнай дапамозе і добраахвотнікам, якія прыбылі
з усіх краін".
На заканчэнне паслання Папа даручыў усіх Божай Маці Нястомнай
Дапамогі, заступніцы Гаіці, якая - як запэўніў Святы Айцец – з неба не застаецца абыякавай
да малітваў.