Սուրբ Պատարագ Հայիթիի Երկրաշարժի Տարելիցի Առթիւ։

Յառաջիկայ 12 յունուարին ժամը 16.30-ին, Վատիկանի Պետական Քարտուղարը Կարտինալ Պերթոնէ` Հայիթիի երկրաշարժի տարելիցին առթիւ` Սանդա Մարիա Մաճճորէ Տաճարին մէջ Սուրբ Պատարագ կը մատուցէ երկրաշարժի զոհերուն յիշատակին։ Ձեռնարկը կազմակերպուած է Սուրբ Աթոռի մօտ Հայիթիի դեսպանութեան կողմէ։ Սուրբ Պատարագի հրաւիրուեցան, իրենց մասնակցութիւնը բերելու՝ սուրբ Աթոռի մօտ հաւատարմագրուած դիւանագիտական մարմնի անդամներ եւ Հռոմի դիւանագիտական այլ ներկայացուցիչներ։