(11.01.2011 RV)Presidenti francez Nikolas Sarkozi mbërriti sonte në Uashington
për një takim me presidentin amerikan Barak Obama. Gjatë takimit do të diskutohet
për planin e punës të G8 dhe të G20 që do të zhvillohen këtë vit nën kryesinë e francezëve.
Të dy presidentët do të diskutojnë gjithashtu edhe për tema të ndryshme lidhur me
krizën ndërkombëtare e në veçanti, për sistemin monetar ndërkombëtar. Pas bisedimeve
në Shtëpinë e Bardhë, Sarkozi do të shkojë në Nju Jork ku do të takohet me mbretin
e Arabisë Saudite Abdallah dhe kryeministrin libanez Saad Hariri.