Papa: liria fetare e mohuar krijon çekuilibrime e konflikte në botë.
E drejta e lirisë fetare mohohet, në forma të ndryshme në shumë pjesë të botës e ky
fakt shkakton “çekuilibrime e konflikte në të gjitha nivelet, si në planin personal
e po kështu edhe në atë ndërpersonal”: duke i folur trupit diplomatik të akredituar
pranë Selis së Shenjtë, Papa Benedikti XVI në fjalimin e tij tradicional për shkëmbimin
e urimeve të vitit të ri, përshkoi “horizontet e të gjitha Vendeve që ju përfaqësoni
e ato të mbarë botës”. “Përmasa fetare – tha Ati i Shenjtë Racinger – është një
ndër karakteristikat e pamohueshme, të pandalshme e të pakufizueshme në jetën e në
veprimtarinë e njeriut, masa e realizimit të fatit të tij dhe ndërtimi i bashkësisë
së cilës i përket. Prandaj, ku vet individi apo ata që e rrethojnë nuk përfillin ose
e mohojnë këtë aspekt themelor, krijon çekuilibrime e konflikte në të gjitha nivelet,
si në planin personal e po kështu edhe në atë ndërpersonal. Pikërisht këtë të vërtet
gjendet arsyeja primare e themelore për çka e paraqita lirinë fetare si udhë themelore
për ndërtimin e paqes”. “Paqja në të vërtetë – shtoi Papa para trupit diplomatik të
akredituar pranë Selis së Shenjtë - ndërtohet e ruhet vetëm atëherë kur njeriu munden
lirisht të kërkon e të shërben Zotin në zemrën e vet, në jetën e vet e në marrëdhëniet
e tij me të tjerët”.