Յունուար 6-ի առաւօտուն,88 տարեկանին վախճանեցաւ աշխարհահռչակ խմբավար Օհան Դուրեանը։
Մեծանուն խմբավարը ծնած էր 1922-ին Երուսաղէմի մէջ։ Ան ուսանած էր երգահանութիւն։Երիտասարդութեան
տարիներէն համերգային շրջագայութիւններու ծրագրով Եւրոպա գտնուեցաւ։ Մինչեւ 1950-ականները
ղեկավարեց Հայաստանի Ֆիլհարմոնիկ Նուաախումբը,ապա չյարմարելով խորհրդային հասարակարգին
Դուրեան բնակեցաւ Եւրոպայի մէջ։ 1962-69 տարիներուն, իբրեւ խմբավար հանդէս եկած է
Լայպցիկի օփերայի թատրոնին եւ Լայպցիկի «Կեւանտհաուզ» նուագախումբին հետ, որուն ղեկավար
նշանակուած է ան երկու անգամ: Օհան Դուրեան աշխատած է աշխարհի 110 երկիրներու նուագախումբերուն
հետ: Հայաստանի անկախացումէն ետք ան վերադարձաւ Հայաստան, եւ երկրի իշխանութիւններուն
հրաւէրով ստանձնեց Հայաստանի Ազգային օփերայի նուագախումբի գլխաւոր խմբավարի պարտականութիւնը:
2002-2006 թուականներուն, Օհան Դուրեան ղեկավարած է նաեւ Մոսկուայի սիմֆոնիք նուագախումբը: Ըստ
հանգուցեալի այրիին՝ Ալիս Դուրեանին, խմբավարին վերջին խօսքերը ուղղուած էին իր մօրը,
իսկ միտքերը եղած էին իր հայրենիքին հետ։ Խմբավար Օհան Դուրեանի թաղումը կազմակերպելու
համար, ՀՀ վարչապետին որոշումով ստեղծուած է կառավարական յանձնաժողով մը՝ Հայաստանի մշակոյթի
նախարար Յասմիկ Պօղոսեանի գլխաւորութեամբ։