Рэлігійныя лідэры Францыі не прызнаюць апраўднання насілля рэлігіяй.
“Як рэлігійныя
кіраўнікі мы цвёрда заяўляем, што ніхто не можа выкарыстоўваць рэлігіі, якія мы прадстаўляем,
для апраўднання гвалту, падзелаў і нават пагарды да чалавечай асобы”- напісалі члены
Канферэнцыі Рэлігійных Лідэраў у Францыі. Яны аднадушна асудзілі нядаўнія напады
на хрысціянаў у Багдадзе і ў Александрыі.
Яны адзначылі, што акты насілля,
зробленыя ў “імя Бога” супраць вернікаў іншай рэлігіі, раняць не толькі гэтую рэлігію,
але і ўсё чалавецтва. Яны адкінулі “рэлігійны аргумент” тых, хто зрабіў замахі.
“Мы не хочам, каб рэлігія была інструменталізаваная да любых мэтаў. Хочам быць стваральнікамі
міру ў нашай краіне і ва ўсім свеце”- сцвердзілі рэлігійныя кіраўнікі Францыі. Яны
яшчэ падкрэслілі, што нянавісць з’яўляецца “смяротнай хваробай” для ўсяго грамадства,
і таму трэба сумесна ўзняць выклік братэрства.