Արդարութիւն Եւ Խաղաղութիւն Քահանայապետական Խորհուրդի Նախագահ՝ Կարտինալ Թիւրքսոնի Գնահատումով, Ահաբեկիչները Միակ Պատասխանատուները Չեն Աղեքսանդրիոյ Ամենայն Սրբոց Եկեղեցւոյ Մէջ Տեղի Ունեցած Մահափորձին, Ասիկա Հետեւնաքն Է Երկրի Կրօնական Անհանդրժողութեան։

Կարտինալ Թիւրքսոն` նախագահը Արդարութիւն եւ Խաղաղութիւն քահանայապետական խորհուրդին, մամուլին հետ ունեցած ելոյթով կ'ընդգծէ թէ Աղեքսանդրիոյ Ամենայն Սրբոց եկեղեցւոյ դէմ գործադրուած մահափորձը պէտք չէ վերագրուի միայն ահաբեկիչներուն, հարկ է որ Եգիպտոսի կառավարութիւնը իր պատասխանատուութիւնը ստանձնէ եւ փոխէ իր քաղաքականութիւնը ղպտի քրիստոնեաներուն հանդէպ։
Եպիպտոսի կառավարութիւնը պէտք է գիտակցի որ մահաձորձի զոհերը նախ եւ առաջ եգիպտացիներ են եւ պետութեան պարտականութիւնն է պաշտպանել իր քաղաքացիները։ Կարտինալ Թիւրքսոն ցաւով կը մատնանշէ թէ Եգիպտոսի քրիստոնեաները յաճախ թիրախ են անհանդրժողութեան։ Անոնք քաղաքացիներ են առանց քաղաքացիութեան։
Խօսելով աշխարհականացումի նիւթին մասին , Ղանացի կարտինալը կ'ընդգծէ հարկաւորութիւնը ՜՜հաստատելու գերազգային իշխանութիւն մը՝ բոլորէն ճանչցուած եւ կարող բարոյական ուղղութիւն տալու ժողովուրդներու բարգաւաճումին՝՝։
Ներկայիս այս գերազգային իշխանութիւնը վերապահուած է ՄԱԿին, ուստի հարկաւոր է նոր դիմագիծ մը տալ Միացեալ Ազգերու կազմակերպութեան, որը համապատասխան ըլլայ արդի ժամանակներու պահանջքին։
Բարձրաստիճան եկեղեցականին գնահատումով , կարեւոր է ստեղծումը նոր մարմնի մը որուն մաս կը կազմեն բոլոր ազգերը, որոնք ունենան հաւասար արժանաւորութիւն, հաւասար խօսքի ազատութիւն ու նաեւ կարելիութիւն ունեան աշխատասիրել համահաւասար ծրագիրներ։