Праваслаўныя вернікі Беларусі адзначаюць Раство Хрыстова
7 студзеня праваслаўныя
вернікі адзначаюць свята Раства Хрыстова. Набажэнствы з нагоды ўрачыстасці прайшлі
напярэдадні і ў дзень свята ва ўсіх праваслаўных храмах Беларусі.
Мітрапаліт
Мінскі і Слуцкі Філарэт, Патрыяршы Экзарх усяе Беларусі 6 студзеня 2011 г. прыняў
удзел ва ўсяночным чуванні, якое адбылося ў 18 гадзін у мінскім Свята-Духавым кафедральным
саборы. Вячэрняе набажэнства ў галоўным праваслаўным храме краіны транслявалася па
Першым тэлеканале.
Цэнтральным элементам надыходу праваслаўнага Раства з’яўляецца
начная літургія, якая ў большасці прыходаў распачалася 7 студзеня апоўначы. Раніцай
і на працягу дня ў храмах Беларусі адбываліся святочныя набажэнствы. Сёння у 16.00
ў мінскім кафедральным саборы прайшла святочная вячэрня, на якую па традыцыі былі
запрошаны прадстаўнікі дзяржаўнай улады і дыпламатычнага корпусу.