Егіпет: нунцыятура тлумачыць пазіцыю Апостальскай Сталіцы адносна пераследу хрысьціянаў
Выступленні Бэнэдыкта
XVI пасля нападу на копцкую царкву ў Александрыі не маюць на мэце ўмяшальніцтва ва
ўнутраныя справы якой кольвечы краіны, але зваротам да ўсіх, прыватных асоб і урадаў,
да пашанавання веры і яе практыкавання рознымі рэлігійнымі супольнасцямі і тым самым
спрыяць будаўніцтву згоднага і мірнага грамадства, - напісаў у адмысловай ноце апостальскі
нунцый у Егіпце арцыбіскуп Майкл Фіцджеральд.
Прадстаўнік Апостальскай Сталіцы
спаслаўся на словы Святога Айца, якія Пантыфік прамовіў падчас святой Імшы 1 студзеня,
малітвы “Анёл Панскі” 2 студзеня і ў Пасланні на Сусветны дзень міру. Яны выклікалі
рэакцыю імама суніцкай мячэці Аль-Азхар у Каіры Ахмеда Аль-Тажжэда, які сказаў пра
"недапушчальнасць умяшальніцтва ва ўнутраныя справы Егіпта". Арцыбіскуп Фіцджэральд
звяртае ўвагу на тое, што ў словах Папы варта заўважыць, што напад на хрысціянаў мае
свае наступствы для ўсяго насельніцтва і заклік каб не адказваць на напад гвалтам.
Нунцый у Егіпце адзначае, што Бэнэдыкт XVI заклікаў людзей не паддавацца знеахвочанню,
адмовіцца ад эгаізму і гвалту, падкрэсліў, што не хопіць толькі слваў, але патрэбныя
канкрэтныя дзеянні, неабходныя з боку адказных за лёс краіны і дадаў, што кожны чалавек
павінен быць напоўнены духам супакою. "У сваім пасланні з нагоды Сусветнага дня міру
Святы Айцец не толькі звяртае ўвагу на той факт, што хрысціяне з’яўляюцца групай найбольш
пераследуемай за веру, але і бароніць "рэлігію і ўсіх вернікаў" у словах, якія датычаць
не толькі хрысціянаў, але і ўсіх рэлігій", - гаворыцца ў дакуменце, падпісаным аррцыбіскупам
Фіцджэральдам.
Трэба адзначыць, што нота Апостальскага нунцыя ў Егіпце была
станоўча ўспрынята прадстаўнікамі Аль-Азхар.