36 kангрэс Mіжнароднай Федэрацыі хораў хлопчыкаў. Яго лозунг – “Deus caritas est"
Узяўшы за аснову працаў
і выступленняў назву Энцыклікі папы Бэнэдыкта XVI “Бог ёсць любоў”, арганізатары
падзеі падкрэсліваюць сваю накіраванасць: любоўна і клапатліва працягваць традыцыю
вестуноў супакою. Яна была распачата стварэннем “Pueri cantores” ў 6-м стагоддзі
папам Рыгорам Вялікім, які вырашыў гармоніяй анёльскіх галасоў рабіць Боскую літургію
музычнай лесвіцай у неба.
Сённяшняе ўрачыстае адкрыццё ў залі папы ПаўлаVI
уключала шматлікія прывітанні; працы пачаліся пад старшынствам дзяржаўнага сакратара
Ватыкана кардынала Тарчізіо Бэртонэ. У чацвер Папа прыме ўдзельнікаў на Cпецыяльнай
аўдыенцыі. Хоры будуць спяваць падчас Еўхарыстычнай адарацыі і малітвы ў інтэнцыі
міру ў свеце. Зводны хор хлопчыкаў будзе ўдзельнічаць у Літургіі ў базіліцы святога
Пятра на Сусветны дзень Міру - 1 студзеня 2011 году.
Міжнародная Фэдэрацыя
хораў хлопчыкаў узнікла ў Парыжы напрыканцы ІІ Сусветнай вайны, створаная французскім
кардыналам Эмануэлям Сухарам, азначаная першым удзелам у Літургіі і канцэртам пад
кіраўніцтвам Фернанда Мэйета ў славутай сталічнай базіліцы Сэн-Эсташ.
Цяперашнія
святочныя канцэрты хораў з 14 краін і працы Федэрацыі, якія пройдуць у Рыме да 1 студзеня
Новага 2011 году, прынясуць у базілікі Вечнага горада цудоўную музыку ў выкананні
амаль 3000 тысяч маленькіх спевакоў са срабрыстымі галасамі. Найбольш славутым з гэтых
калектываў з’яўляецца хор хлопчыкаў Сікстынскай капэлы. У ім цяпер спяваюць і двое
маленькіх музыкантаў з СНД. Наша калега з рускай рэдакцыі пагутарыла з імі: (інтэрв’ю
з Паўлікам і Антонам)