Ратардам: рэлігійныя кіраўнікі заахвочваць моладзь Еўропы да салідарнасці
Да будавання справядлівасці,
сапраўднае любові і салідарнасці, заахвочваюць ўдзельнікаў 33 Еўрапейскай Сустрэчы
Моладзі вядучыя рэлігійныя і палітычныя кіраўнікі. Іхнія пасланні на гэтую сустрэчу,
якая пачнецца 28 снежня, апублікавала Экуменічная Супольнасць з Тэзэ’.
Генеральны
сакратар ААН Бан Кі Мун напісаў: “У эпоху, калі выклікі перасякаюць межы і маюць глабальны
аб’ём, наша будучыня залежыць ад таго, ці мы будзем працаваць разам. Я спадзяюся,
што панясеце полымя сусветнай салідарнасці і іншыя каштоўнасці ААН, каб дапамагчы
нам прыйсці гэты час цяжкіх спробаў і дапамагчы ААН даць свету тое, што ён найбольш
патрабуе ў гэтым вырашальным моманце”.
Старшыня Рады Еўропы, Гэрман ван Рампей,
напісаў: “ Тэзэ’—ужо само гэтае слова напаўняе мяне ўнутранаю радасцю. Тэзэ’, браты
з Супольнасці, моладзь і менш маладыя людзі, хрысціянскія рэлігіі розных веравызнанняў,
усе яны, кожны з іх нясе сваёю прысутнасцю нейкую частку надзеі чалавецтва, якое ўсё
яшчэ ў дарозе”.
Патрыярх Канстантынопаля, Барталамей І: “На вас ляжыць
адказнасць за такія паводзіны, каб у грамадскім жыцці падтрымліваць прынцыпы справядлівасці
і любові. Вы наша будучыня, будучыня Касцёла, а Касцёл з’яўляецца вашым жыццём. Нашыя
малітвы і блаславенне будуць суправаджаць вас”.
Арцыбіскуп Кентэрберыйскі доктар
Рован Уільямс напісаў: “Амаль 400 гадоў таму, паэт і ксёндз Георг Гэрбэрт напісаў
верш пад назвай “Кліканне”, які заканчываецца так: “Прыйдзі мая Радасць, Мая любоў,
маё Сэрца: Радасці, якую нішто не зможа адкінуць; Любові, якой ніхто не можа аддзяліць;
Сэрца, якога радасцю ёсць любоў”. Ох, каб вы змаглі адкрыць ў сабе такое сэрца ў
хвілінах сустрэч і гутарк, а таксама абмену вопытам і малітваю”.
Генеральны
Сакратар Сусветнага Альянсу Рэфармаваных Цэркваў, доктар Сэтры Ныомі: “Гэтыя штогадовыя
сустрэчы з’яўляюцца для маладых людзей сапраўдным падарункам і мы дзякуем за гэта
Богу..Я малюся, каб на шляху ў Ратэрдам маладыя людзі адкрывалі знакі надзеі”.