2010-12-27 12:37:29

Երուսաղէմի Լատին Պատրիարք` Գերերջանիկ ֆուատ Թուալի Ծննդեան Պատգամը Ս. երկրի Քրիստոնեաներուն։


Իր պատգամին մէջ , պատրիարքը իր ցաւը կը յայտնէ հրեաներու եւ պաղեստինցիներու միջեւ բանակցութիւններու անյաջողութեան ի տես։
Ան իր պատգամին մէջ դիտել կու տայ որ երկու կողմերու միջեւ կան բարի կամք ունեցող մարդիկ եւ բանակցութիւնները թէեւ բաւարար յառաջացում արձանագրեցին սակայն եւ այնպէս յուսալի եզրակացութեան մը չյանգեցան։
Պատրիարքը դիտել կու տայ ՜՜Աստուծոյ համար անկարելի բան չկայ՝՝։
Ան կը մաղթէ որ Եւրոպան աւելի կարեւոր դեր մը կատարէ այդ ուղղութեամբ։
Լատիններու պատրիարքը, որուն իշխանութիւնը կը ներփակէ Ս. Երկիրը, Յորդանանը եւ Կիպրոսը, յետադարձ ակնարկ մը տալով 2010-ի վրայ, կը վերակոչէ Իրաքի քրիստոնեաներու ողբերգութիւնը ու գաղթը դէպի Յորդանան։ Միջին Արեւելքի համար գումարուած եպիսկոպոսական սիւնոդոսը Վատիկան դատապարտեց բռնութիւնը ու կրօնամոլութիւնը եւ քաջալերեց Միջին Արեւելքի քրիստոնեաները ըլլալու բարի քաղաքացիներ։ Լատիններու պատրիարքը իր Ծննդեան պատգամը կ'եզրափակէ հաշտութեան կոչելով հրեայ եւ պաղեստինցի ժողովուրդները։
Թուալ պատրիարքը կ՝եզրափակէ իր պատգամը ըսելով. ՜՜Ժամանակը հասաւ, որ միասնաբար գործենք անկեղծ, արդար եւ վերջնական խաղաղութեան ի խնդիր՝՝։








All the contents on this site are copyrighted ©.