Папа Бэнэдыкт ХVІ сёння паабедаў у рымскім Доме Місіянэрак міласэрнасці. "Сіла
міласэрднасці - вось што здольна мяняць свет"
Рэлігійная сям'я Кангрэгацыі
святой Маці Тэрэзы з Калькуты цяпер мае не толькі жаночую, але і мужчынскую галіны.
150 членаў яе былі прысутныя разам з галечнымі, старымі і бяздомнымі, якімі штодня
апякуюцца ў розных парафіях Святой Сталіцы. “ Дарагія сябры,- звярнуўся да іх напрыканцы
абеда Папа.-Я вельмі рады быць з вамі сёння і адрасаваць непасрэдна з усяго сэрца
маё віншаванне Маці-настаяцельніцы, місіянэрам міласэрнасці - святарам, законніцам,
кантэплатыўным братам і ўсім, хто тут зараз перажывае разам з намі гэты момант братэрства.
Святло
Раства напаўняе нашыя сэрцы радасцю і мірам, абвешчаным анёламі пастухам з Бетлеема.
Дзіцятка, якое мы бачым у пячоры - гэта той самы Бог, які стаўся чалавекам, каб паказаць
нам сваё жаданне нам дабра - як моцна ён любіць нас: Бог стаўся адным з нас, каб быць
побач кожным, каб пераадольваць зло, каб вызваліць нас з граху, даць нам надзею, расказаць
нам, што Ён – з намі, і не застаемся аніколі адзінокімі. Мы заўсёды можам звярнуцца
да Яго без страху, называючы яго Айцом,пэўныя, што ў любы час, у любой жыццёваё сітуацыі,
нават вельмі цяжкай, ён не забудзецца аб нас. Мы павінны часцей сцвярджаць: “Так,
Бог клапоціцца менавіта пра мяне, любіць мяне, Езус нарадзіўся дзеля мяне, заўсёды
маю да Яго давер.”
Дарагія браты і сёстры, няхай святло немаўляткі Езуса, Сына
Божага, які стаўся чалавекам, асвятляе наша жыццё і ператварае яго ў святло, што выпраменьваюць
святыя. Я думаю, што прыклад Благаслаўлёнай Маці Тэрэзы з Калькуты з’яўляецца яскравым
адлюстраваннем Божага святла. Святкаванне 100-годдзя з дня яе нараджэння выклікае
пачуццё падзякі і жаданне роздуму дзеля аднаўлення радаснага заангажавання служэнню
Пану і і іншым людзям, асабліва найбольш патрабуючым. Пан, як мы ведаем, пажадаў з’явіцца
ў свет малым, патрабуючым клопату.
Дарагія сёстры, дарагія браты і святары,
дарагія сябры з персаналу! Любоў ёсць сілай, якая змяняе свет, таму што Бог ёсць любоў
(пар. 1 Ян 4,7 да 9). Блаславёная Тэрэза з Калькуты жыла духам міласэрнасці да ўсіх
без адрознення, але з перавагай для бедных і пакінутых, у якіх адбіваецца знак бацькоўства
і дабрыні Бога. Атрымліваючы Яго ў Эўхарыстыі, яна бачыла Яго твар у галечных,
якіх сустракала па завулках горада. Хто здзіўляецца, чаму маці Тэрэза сталася вядомай,можа
зразумець: проста таму, што яна жыла сціпла і працавіта, як яна сама кажа, што яе
вялікая ўзнагарода была любіць Езуса і служыць Яму ў бедных і хворых.
Мы дзякуем
Госпаду за дар бачыць цераз Бласлаўлёную Тэрэзу з Калькуты, як наша жыццё можа змяніцца
праз сустрэчу з Езусам, можа стацца для іншых адлюстраваннем святла Божага. Для многіх
мужчын і жанчын ва ўмовах галечы і пакут яна дала суцяшэнне і упэўненасць, што Бог
не пакідае нікога, ніколі! Яе місія працягваецца праз тых, хто паўсюдна ў свеце жыве
сваёй харызмай як місіянэр міласэрнасці. Дзякую, дарагія сёстры і браты, за вашу прысутнасць.
Ваша сведчанне сапраўднай радасці і любові– бескарыслівае аддаванне у промнях Божае
бескарыслівае любові - разрывае логіку чалавечага эгаізму.”
Напрыканцы сустрэчы
з 250 гаротнымі Вечнага Горада Папа асабіста пагутарыў з многімі , паціснуў рукі,
пацалаваў іх і тых, хто імі апякуецца.