Святая Імша з удзелам Святога Айца, так званая, "Пастэрка" ў Базыліцы Святога Пятра
Аб увядзенні ў свеце
Божай праўды і любові- каралеўства справядлівасці, любові і супакою ды аб адрыцці
сапраўднага братэрства, гаварыў Папа ў казанні ў часе Святой Імшы, так званай “Пастэркі”
ў Базыліцы Святога Пятра ноччу ў пятніцу 24 снежня.
“Цяпер прыйшло Дзіця,
на плечах якога спачыла ўлада. У Ім аб’яўляецца новае каралеўства, якое Бог уводзіць
у свет. Гэтае дзіця сапраўды з Бога нарадзілася. Гэта Вечнае Слова Бога, Якое аб’ядноўвае
ў сабе чалавецтва і боства. Гэты Кароль не патрабуе дарадчыкаў, якія належаць да
мудрацоў гэтага свету. У сябе самым нясе мудрасць і Божую параду. Менавіта ў слабасці
быць дзіцём, ён Усемагутны Бог і такім чынам паказвае нам, у абліччы пыхлівых магутнасцяў
свету, сілу ўласцівую Богу”- сказаў Святы Айцец
Гаворачы аб прычынах радасці
гэтай ночы, Бэнэдыкт ХVI указаў блізкасць Бога, які як малое дзіця аддаецца ў нашыя
рукі, просіць нашай любові і пашырае свой супакой ў нашых сэрцах.
Далей Папа
адзначыў, што спеў анёлаў быў ад пачаткаў Касцёла разгляданы як музыка, якая паходзіць
ад Бога, і нават больш- як заахвочанне, каб далучыцца ў гэты спеў, у радасці сэрца,
таму што мы ёсць любленымі. Святы Айцец падкрэсліў, што быў гэта спеў любові і радасці,
спеў тых, якія любляць. “У гэты час уключымся ў паўнаце ўдзячнасці ў гэты спеў ўсіх
вякоў, які спалучае Неба і Зямлю, анёлаў і людзей. Божа, дзякуем Табе за Тваю невымоўную
хвалу. Дзякуем Табе за тваю любоў. Божа, дай, каб мы сталіся ўсё больш і больш людзьмі,
якія любяць разам з Табою, значыць людзьмі міру”- закончыў сваё казанне Папа.