Палітыкі звярнуліся да Прэзідэнта Абамы, каб абараняў хрысціян у Іраку
У супольным лісце
100 членаў парламентаў з 15 краін заклікалі Прэзідэнта ЗША Барак Абаму, каб абараняў
хрысціянаў і іншыя рэлігійныя меншасці ў Іраку і на ўсім Блізкім Усходзе. Палітыкі
падкрэслілі, што абарона пераследаваных меншасцей павінна быць абсалютным прыярытэтам.
“У
Іраку хрысціяне на працягу стагоддзяў адыгрывалі важную, стабільную ролю ў эканамічнай
і палітычнай галінах. Іх пераслед пагражае асновам дэмакратыі ў гэтай краіне”- папярэджваюць
парламентарыі. Бяручы пад увагу адказнасць, якую нясуць ЗША з прычыны акупацыі Іраку
падпішчыкі закліку адзначаюць, што “Злучаныя Штаты павінны прыняць выключную кіраўнічую
ролю ў абароне рэлігійнай свабоды ў Іраку і на ўсім Блізкім Усходзе”.
“Мы сур’ёзна
занепакоеныя нападамі на Касцёлы ў Іраку, уключна з нядаўным нападам на Сабор у Багдадзе.
Мы абураныя жорсткасцю тых, што нападаюць на дамы хрысціян, якія забіваюць цывільнае
насельніцтва, асабліва старых людзей”- напісалі ў сваім закліку парламентарыі з розных
краін свету.
Далей яны нагадалі, што ад 2003 года больш за палову іракскіх
хрысціянаў была прысушана пакінуць краіну і гэты exodus не мае канца. Кожнага тыдня
тысячы хрысціян пакідаюць сваю краіну. “Факт, ці плюралістычнае грамадства выжые ў
Іраку залежыць ад таго, ці хрысціяне і члены іншых рэлігійных меншасцяў змогуць жыць
ў гэтай краіне”- чытаем у лісце да Прэзідэнта Абамы.