Papa emëron një prelat kinez në krye të Kongregatës për Ungjillëzimin e Popujve
(23.12.2010 RV)Konsiderohet një emërim shumë i rëndësishëm në Vatikan, ai i
salezianit kinez, Savio Hon Tai-Fai, si sekretar i Kongregatës për Ungjillëzimin e
Popujve. Me dekretin e sotëm, Papa e emëron kryeipeshkëv dhe i jep në dorë kryesinë
e dikasterit vatikanas. Imzot Hon Tai-Fai është kinezi i parë në krye të “Propaganda
Fide”-s. Emërimi bëhet menjëherë pas shugurimit të ipeshkvijve, pa lejen e Benediktit
XVI, në Pekin dhe pas asamblesë së katolikëve “patriotë”, dënuar ashpër nga Selia
e Shenjtë. Saleziani 60 vjeçar nga Hong-Kongu është pedagog i teologjisë sistematike
në seminarin e vendit, anëtar i Komisionit teologjik ndërkombëtar dhe i Akademisë
Papnore të Teologjisë. Konsiderohet njeri i dialogut e natyrisht, njeh me themel realitetin
kinez dhe ka marrëdhënie me krejt Kishën në Kinë, edhe me atë të regjimit. Puna e
tij do të jetë e rëndësishme për mbylljen e çarjeve ndërmjet Pekinit dhe Vatikanit,
të krijuara kohët e fundit.