(21.12.2010 RV)Me rastin e festave të Krishtlindjes, faqja e internetit e Radio
Vatikanit ofron një shërbim të ri për dëgjuesit. Është fjala për mundësinë e ndjekjes
së kremtimeve liturgjike, të kryesuara nga Ati i Shenjtë, në emision të drejtpërdrejtë
audio/video dhe me cilësi të lartë HD. Për meshën e vigjiljes, të premten, më 24 dhjetor,
duke filluar nga ora 22, për mesazhin e Krishtlindjes me bekimin “Urbi et Orbi” të
25 dhjetorit në orën 12.00 dhe për meshën e Ditës Botërore të Paqes, më 1 janar në
orën 10.00, do të jetë e mundur të zgjidhni një nga shtatë gjuhët e radiokronikës:
italisht (ITA), frëngjisht (FRA), anglisht (ING), gjermanisht (TED), spanjisht (SPA)
dhe portugalisht (PORT). Në vigjiljen e 24 dhjetorit do të kemi edhe komentin në kinezçe,
ndërsa në kremtimin e 1 janarit, në arabisht. Lidhja me internet është shumë e
thjeshtë. Në adresën www.radiovaticana.org, në faqen e parë, klikoni
mbi ikonën “Audio Video Player”. Aty do të gjeni edhe një risi tjetër të rëndësishme,
të ashtuquajturin “Vatican Tic”, në të cilin mund të shihni lajme, që kanë të bëjnë
me kalendarin e veprimtarive të Atit të Shenjtë.