Atë Pashko Gojçaj ofm: ta kremtojmë Lindjen e Krishtit me Të

Jemi duke përfunduar kohën e përgatitjes për Krishtlindje, kohën e Ardhjes e për të kremtuar denjësisht festën e Lindjes së Jezu Krishtit, lypet ta kemi shpirtin e pastër dhe zemrën e gatshme e të hapur për t’i bë gati Vend-banimin e vend-takimin me Zotin që po vjen. E njeriu mund të njihet pikërisht nga ajo që pret. Prej këndej, ftesa për të shikuar jo përjashta, po përbrenda vetes, në thellësitë e shpirtit. Secili nga ne, prandaj, posaçërisht në këtë kohë, që na përgatit për Krishtlindje, mund t’i bëjë vetes pyetjen: Po unë, ç’ pres? Për çka e për kë më rreh zemra në këtë çast të jetës sime? Këtë pyetje mund t’ia bëjë vetes edhe familja, bashkësia, kombi. Çfarë presim së bashku? Çka i bashkon dëshirat tona, ç’ gjë na afron?. Mbi këto e sidomos ç’ka nuk duhet të na mungojë assesi në festën e Krishtlindjes, flasim me Atë Pashko Gojçaj nga Tuzi i Mali të Zi. Ta dëgjojmë bisedën tonë me të.....