Папа Бэнэдыкт XVI наведаў адрэстаўраваную славутую Апостальскую Бібліятэку Ватыкана
Святы Айцец вярнуўся
сюды, як і паабяцаў у нядаўнім лісце да архіварыюса і бібліятэкара Святога Рымскага
Касцёла кардынала Рафаэле Фарына SDB з нагоды адкрыцця выстаўкі, прымеркаванай да
аднаўлення працы Ватыканскай Бібліятэкі пасля трохгадовага рамонту.
Больш
за гадзіну Папа любаваўся цудоўнымі залямі, будаванымі з сярэдзіны 14 стагоддзя і
цяпер адроджанымі рэстаўратарамі, якія зноў сталіся даступныя для наведвальнікаў-спецыялістаў
і часткова для ўсіх наведвальнікаў Ватыканскіх музеяў. Папа сёння падкрэсліў, што
Ватыканская бібліятэка – гэта “надзвычайная прастора гістарычнай памяці Касцёла і...
каштоўны сродак, які дапамагае пантыфікам выконваць сваё паслугоўванне.”
Бэнэдыкт
XVI горача падзякваў усім працаўнікам бібліятэкі – ад вялікіх навукоўцаў, архіварыусаў,
беражлівых хавальнікаў незлічоных каштоўнасцей да прыбіральшчыкаў і вахцёраў - за
верную працу. Ён усіх горача павіншаваў са святам Божага нараджэння і прыняў ад кіраўнікоў
Бібліятэкі сімвалічныя падарункі. Папа Бенедыкт XVI асабліва падзякваў за некаторыяі,
сярод якіх - бронзавы медаль у памяць аб аднаўленні Апостальскай бібліятэкі для нумізматычнай
калекцыі . «Ватыканская біблітэка змяшчае і захоўвае самыя каштоўныя словы, прамоўленыя
людзьмі, дзе адлюстравана спрадвечнае Слова, што асвятляе кожнага чалавека», —адзначаў
Папа Бэнэдыкт XVI папярэдне ў сваім лісце, калі паведаміў, што асабіста сачыў за рамонтнымі
працамі, паколькі дагэтуль лічыць сябе навуковым працаўніком, галоўны занятак якога
— "зносіны з кнігай. “
Напрыканцы сённяшняга наведання Апостальскай бібліятэкі
Бэнэдыкт XVI усім удзяліў сваё Апостальскае благаслаўленне.