Арцыбіскуп Меніні - новы Апостальскі нунцый у Вялікабрытаніі
Папа Бэнэдыкт XVI
прызначыў прадстаўляць Святы Пасад і Яго Святасць у Вялікабрытаніі арцыбіскупа Антоніо
Меніні. З 2002 года па цяперашні час 63 гадовы Монс. Меніні прадстаўляў Святы Пасад
ў Расіійскай Федэрацыі. Арцыбіскуп Меніні зазначыў, што пакідае Расію з настальгіяй,
бо палюбіў яе каталіцкую і праваслаўную супольнасці. “Расія сталася мне другім домам,
і я глыбока ўдзячны Пану, што даў мне магчымасць блізка пазнаёміцца з духоўнасцю ўсходніх
Цэркваў.”,- зазначыў для Радыё Ватыкана арцыбіскуп.
Антоніо Ментіні нарадзіўся
ў Рыме. Ён пачаў сваю дыпламатычную дзейнасць ў Ватыкане, нясучы паслугоўванне ў
Дзяржаўным сакратарыяце Святога Пасаду, потым – выконваючы розныя абавязкі ў нунцыятурах
ва Угандзе і Турцыі. У 2000 годзе папам Янам Паўлам II быў прызначаны папскім
прадстаўніком у Балгарыі, атрымаўшы арцыбіскупскую сакру.
"Я спадзяюся быць
на вышыні маёй новай місіі,"- паведаміў далей Радыё Ватыкана Монс. Меніні, падзякаваўшы
Святому Айцу Бэнэдыкту XVI за аказаны давер. Новы нунцый у Вялікабрытаніі сказаў,
што натхнёны словамі Бенедыкта XVI у часе яго нядаўняга візіту ў краіну і намераны
працаваць у напрамку ўмацавання адносін паміж Каталіцкім Касцёлам і англіканскай Царквой
і іншымі канфесіямі. "Я буду працаваць па новых напрамках з імкненнем рушыць наперад,
- сказаў Монс. Меніні, - але не для задавальнення асабістых, структурных або арганізацыйных
інтарэсаў, але як Пан навучае,”каб свет паверыў”
Новапрызначаны нунцы ў Вялікабрытаніі
з аптымізмам глядзіць на дыялог з англіканскай супольнасцю.